Hatobangon menjawab satontang mempersingkat waktu.
Mukaddimah
Assalamu alaikum ww.
Bahat hormat nami santabi sapulu tu mora ni mora nami namarangka maranggi maranak marama, sapulu noli ami marsantabi di hita namarkula markahanggi maranak boru songoni marhatobangon. Simurung lobi na toras na tobang sangape nai patobang di banuaon. Lobi lobi tu barisan haguruan na madung juguk marlingkar di haratak siriaon on.
Olo ia tutu songonjia nangkin jamita ni suhut siabolonan na sian haratak on. Harani pot pot ningkomu tubu do papaga. Harani solkot ro doon puraga. Ngana marhajat komu rupa pamomo momo ni paradatan. Ngana marhajat komu dot makmaksud sangaum ulang so butong salangka ulang so tolap. Mari ari ari ningkomu ari madung markohot kohot. Apalagi ro alus andung muyu. Santampul dua lancip, sandoruk dua marobo. Sada burangir mardua tolu hatana. Anggo manurut ni paradatan sian ompunta naparjolo sunduti. Sada burangir antong sada do hatana. Tai antong baen singkop do hita ison barisan ni mora muyu. Songoni barisan ni naipatobang majolo. Ami pokatkon ma jolo. (Marpokat ….sesama meraka…..) Di harani on peda, baen madung ipokatkon do dot barisan ni mora ni mora muyu songoni barisan ni nai patobang majolo gorarna. Na pabuluson do ning imana. Ngana mauaon beibe. Santampul dua lancim. Sandoruk dua marobo. Sada patik dua tolu dogomna. Malahan opat pe sanga lima. Ngana maia beibe. Tai antong jojor dokon homu anso malo ami mangalusina. Botima. Wassalam.
Ashartanjung's Blog 
Tinggalkan komentar